Heiligensee, Berlino, Germanio

La 28a de junio inter la 11a kaj 15a horoj, okazos nuda naĝkonkurso de la naturista klubo Saunafreunde Berlin. Tie eblas naĝi 200 kaj/aŭ 400 kaj/aŭ 800 metrojn en lago, kaj poste ĝui la terenon de la naturista klubo dum la tago. Estas senkosta evento, kaj ĉiu estas bonvena.

Tiu evento okazos dum la BEMI-semajno en Berlino (ne naturista evento), de la 27-a de junio ĝis la 5-a de julio, en  en Heiligensee, kvartalo en la nordokcidenta angulo de Berlino, en Germanujo. BEMI estas la Biciklista Esperanto Movado Internacia, la evento enhavos biciklajn ekskursojn dum la tuta semajno.

Naturistaj biciklantaj esperantistoj povos efike reprezenti nian asocion dum tiu ĉi evento!

Por partopreni, bonvolu kontakti Jessica Grasso retmesaĝe al abeloabeloabelo <ĉe> gmail <punkto> com

Ne ĉiuj detaloj pri la organizo estas jam konataj, sed oni povas legi informojn (en la germana) pri la pasinta eldono de la evento ĉe:

• Raporto (en la germana): https://saunafreunde-berlin.de/lfk-langstreckenschwimmen-2025/

• Priskribo (en la germana): https://www.lfk-bb.de/fileadmin/lfk/Dateien/Sport/Ausschreibung_LSS_2025.pdf