La INF-FNI (Internacia Naturista Federacio) organizis la 52-an internacian naturistan naĝkonkurson en Havro (Le Havre), Francio, de la 25-a ĝis la 27-a de Oktobro 2024. INOE partoprenis en la evento samnivele ol grandaj nacioj: Francio, Hispanio, Svislando, ktp! Bedaŭrinde la fino de la tago alportis ege malĝojan novaĵon.

Nia kvinhoma teamo obtenis kvin medalojn!

Rosy obtenis du arĝentajn medalojn en dorsonaĝo kaj brustonaĝo, Yannick obtenis du bronzajn medalojn en dorsonaĝo kaj libera stilo, kaj mi ricevis arĝentan medalon en brustonaĝo. Marc kaj Didier bele naĝis, ne ricevis medalojn, sed dividas nian teaman glorion. Ni estis varme subtenita de Bernardo, esperantisto kaj naturisto, kiu loĝas en Havro kaj, kiu dum jaroj membriĝis ambaŭ en CSPO kaj en la loka esperanta klubo.

La plej grava trajto de tiuj naĝkonkursoj estas la bonega etoso inter ĉiuj partoprenantoj dum la evento. La plejparto de la partoprenantoj venas ĉefe pro tiu etoso. Kompreneble, ni pasigis bonegan tempon, ekde la alveno en nia hotelo vendrede kaj precipe dum la sabato, kiam la konkurso okazis en la urba naĝejo.

Bedaŭrinde ege malĝoja evento okazis je la fino de la tago: la forpaso de Béatrice Lecoeur, la edzino de Jean-Marie Lecoeur, la ĉeforganizanto de la tuta evento.

La evento okazis de la 25-a ĝis la 27-a de Oktobro 2024.

Jam de pluraj jaroj, INOE estas invitata partopreni kaj defendi la valorojn de la internacia lingvo dum la internacia naturista naĝkonkurso. Tiun jaron, ĝi okazis de la 25-a ĝis la 27-a de Oktobro 2024 en Havro, Francio.

Ĉiuj naĝantoj estis bonvenaj, oni ne bezonis esti superatleto! La ĉefaj celoj estis pasigi bonan tagon en internacia naturista etoso kaj evidentigi la efikecon de la internacia lingvo al aliaj naturistaj partoprenantoj.

Jen la detalojn pri la evento:

• Ĝi estis organizata de la loka organizo SunKlubo de la Oceana Pordego, la federacio Normandie Naturisme, kun la subteno de la Franca Federacio pri Naturismo kaj de la Internacia Federacio pri Naturismo.

• La naĝejo estis la Piscine du Cours de la République, 37 cours de la République, 76600 LE HAVRE, France.

• La partopreno en la konkurso inkluzivis loĝejon en unu inter tiuj hoteloj: Hotel Ibis, Rue du 129ème Régiment Infanterie, 76600 Le Havre aŭ Hôtel Nomad, 5 rue Magellan, 76600 Le Havre. Ambaŭ hoteloj situas proksime de la stacidomo. Decido pri loĝloko estis farita de la organizantoj.

• Havro (Le Havre) estas facile atingebla per trajno de Parizo, stacio Saint-Lazare, kaj de aliaj urboj kun aŭ sen trajnŝanĝo en Parizo.

• Aviadile, la plej proksimaj flughavenoj estas tiuj de Parizo: Charles de Gaulle kaj Orly.

• Por ĉiu partoprenanto, la prezo estis 155 Eŭroj (en duhoma ĉambro) aŭ 227 Eŭroj (en unuhoma ĉambro).

• Tiu prezo inkluzivis: la loĝadon de vendredo ĝis dimanĉo, manĝojn de vendrede vespere ĝis dimanĉa matenmanĝo, la partoprenon en la naĝkonkurso kaj en la festa vespermanĝo sabate vespere.

• Partoprenantoj devis esti membroj de unu el la naciaj federacioj kiuj membriĝas en INF-FNI, ekzemple: FFN, FCN, DFK, FBRN, BN, ktp...

• La limdato por aliĝi estis la 22-an de Aŭgusto 2024.